Niko Shupuli

Niko Shupuli u lind në Përmet më 09 Shtator 1976. Është i martuar, ka edhe një fëmijë.

Pas përfundimit të shkollës së mesme në gjimnazin “Sami Frashëri” Përmet, ndoqi studimet e larta në Universitetin Politeknik të Tiranës, dega Inxhinieri Elektronike.

Ka ndjekur studimet në Universitetin “Aristoteli” Selanik, në degën “Gjuhë Greke”, dhe më pas ka studiuar në Universitetin Shtetëror “Democritus”, University of Thrace, dega “Juridik” duke u diplomuar me titullin “Jurist”.

Prej vitit 2013 zotëron edhe Titullin “Avokat”.

Në vitin 2006 ka punuar Jurist në Bashkinë Gjirokastër.

Në vitin 2007 është zgjedhur Kryetar i Komunës Petran, Rrethi Përmet, detyrë të cilën e ushtroi për dy mandate, deri në vitin 2015.

Në vitin 2015, është zgjedhur Kryetar i Bashkisë Përmet, si përfaqësues i Partisë Demokratike, detyrë të cilën e ushtron edhe në vazhdim.

Ka marrë pjesë në shumë trajnime e seminare që kanë lidhje me decentralizimin dhe reformat në pushtetin vendor.

Zotëron gjuhën angleze dhe greke.

0696807006